ഭയന്നീടായ്കെന്‍കുഞ്ഞേ രാത്രിയെ ...

by Cr Parameswaran on Saturday, August 28, 2010 at 6:12pm

Ruskin bond -ന്റെ 'don't be afraid of the dark ' സ്വതന്ത്രതര്‍ജമയായി :

ഭയന്നീടായ്കെന്‍ കുഞ്ഞേ

രാത്രിയെ,പാവം ഭൂമി-

ക്കൊന്നു വിശ്രമിക്കണ്ടേ

പകല്‍ തീര്‍ന്നതിന്‍ ശേഷം .

കോപിഷ്ഠന്‍ സൂര്യന്‍,പക്ഷെ -

യത് പോലല്ലീ നിലാ-

വെളിച്ചം ,താരങ്ങളും

എന്നെന്നും തിളങ്ങുവോര്‍ .

കൂട്ടുകൂടുക പൊന്നെ

രാത്രിയോട്‌ നീ ,യൊന്നും

പേടിക്കാനില്ല ,വിടൂ

ചിന്തയെയകലത്തു-

മടുത്തും വസിക്കുന്ന

തോഴരിലേക്കും ,പിന്നെ

നല്കിനാക്കളിലെക്കും

സഞ്ചരിക്കുവാന്‍ മാത്രം.

നമ്മുടെ കുഴപ്പങ്ങള്‍

ശമിക്കില്ലെന്നേ തോന്നും

പകല്‍ വേളയില്‍ ,എന്നാല്‍

രാത്രി വന്നണയുമ്പോള്‍ ,

ആ രാത്രി യാമം തോറും

വളര്‍ന്നീടുമ്പോള്‍ ,ലോക -

മാകവേയവാച്യമം

ശാന്തിയെ അറിയുന്നു .

-------------------------